Merħba fil-website ta’ TEL-ME-MOR!
TEL-ME-MOR hu proġett iffinanzjat mill-Kummissjoni Ewropea taħt is-Sixth Framework Programme
ta’ l-Information Society Technologies (IST) Programme. Il-proġett beda fl-1 ta’ Frar 2005
bl-għan ewlieni li jistimula u jiffaċilita l-parteċipazzjoni ta’ organizzazzjonijiet
mill-Istati Membri ġodda fl-Unjoni Ewropea fi proġetti ffinanzjati mill-oqsma ta’ l-Information
Society Technologies.
F’linja mal-miri ewlenin tagħha, din is-sit, minbarra li tinforma dwar attivitajiet u riżultati
, tagħti informazzjoni dwar l-opportunitajiet għal Stati Membri ġodda, għal parteċ
ipazzjoni fi proġetti futuri Ewropej fis-setturi tal-Wirt Kulturali u Tagħlim, tal-Programm ta’
l-Information Society Technologies.
Jekk int minn wieħed mill-Istati Membri ġodda u int interessat li taqra
b’ilsienek dwar TEL-ME-MOR u dwar opportunitajiet fi proġetti futuri
f’Ewropa mkabbra, agħfas hawn jew fil-link Websites Lokali, li tidher hawn taħt .
Dwar il-proġett
L-akronimu
L-isem TEL-ME-MOR jirreferi għal ' The European Library: Modular Extensions
for Mediating Online Resources'.
Oriġini
TEL-ME-MOR kien magħżul mill-Kummissjoni Ewropea, Direttorat E - Content,
b’riżultat tat-tielet sejħa għall-proposti ppubblikata fl-2004, taħt is-
Sixth Framework Programme (FP6). Il-proġett hu ffinanzjat minn Activity
2.3.6.1, li għandha l-għan li tistimula, tinkoraġġixxi u tiffaċilita l-
parteċipazzjoni ta’ organizzazzjonijiet minn Stati Membri ġodda u minn
Pajjiżi Kandidati Assoċjati fl-attivitajiet tal-qasam ta’ l-Information
Society Technologies (IST) tal-Kummissjoni Ewropea.
Objettivi
TEL-ME-MOR se jappoġġja l-għaxar libreriji nazzjonali ta’ l-Istati Membri ġodda,
li huma sħab fil-proġett, biex isiru membri sħaħ tal-Librerija Ewropea, (The European Library, TEL),
inizzjattiva, stabbilita taħt il-patrunaġġ tal-Konferenza tal-Libreriji Nazzjonali ta’ l-Ewropa
(CENL), li tipprovdi aċċess unifikat għar-riżorsi elettroniċi tal-Libreriji Nazzjonali ewlenin
fl-Ewropa, kif ukoll għas-servizzi ta’ libreriji oħra.
Ma’ tmiem il-proġett, se tkun disponibbli on-line, permezz tal-Librerija Ewropea, kollezzjoni
komprensiva pan-Ewropea u li faċilment tkun tista’ tiġi misjuba, ta’ riżorsi ta’ informazzjoni ta’
l-aqwa kwalità, li tkopri kull suġġett ta’ interess għall-komunità tar-riċerka. Interfaces
multilingwali se jkunu żviluppati biex jagħmluha possibbli għal dawk li jużaw is-servizz mill-Istati
Membri ġodda, jidħlu fuq il-faċilità on-line bl-ilsien tagħhom.
TEL-ME-MOR se jqajjem għarfien u jxerred informazzjoni fuq l-opportunitajiet għal parteċipazzjoni
fi proġetti futuri, maħsuba biex jistimulaw żieda fil-parteċipazzjoni ta’ istituzzjonijiet u
organizzazzjonijiet mill-Istati Membri ġodda, f’sejħiet futuri għal proposti ppubblikati mill-
Kummissjoni Ewropea fis-setturi ta’-Wirt Kulturali u Tagħlim ta’ l- Information Society
Technologies Programme (IST).
Udjenzi fil-mira
TEL-ME-MOR jindirizza s-setturi kulturali, edukattivi, industrijali u pubbliċi. Jimmira li jqarreb id-diversi
xbieki ta’ dominji professjonali, l-awtoritajiet responsabbli mill-istituzzjonijiet u s-servizzi tagħhom lejn
is-settur tar-riċerka, il-komunitajiet ta’ riċerka, ta’ studji akkademiċi u ta’ l-IT. Il-proġett jimmira
partikolarment l-udjenzi li ġejjin:
• Libreriji, mużewijiet, arkivji
• Istituzzjonijiet edukattivi (skejjel, universitajiet, eċċ.)
• Aġenziji governattivi u dawk li jfasslu l-politika
• Awtoritajiet lokali
• Riċerkaturi
• Intrapriżi Żgħar u Mezzani (SMEs) ta’ l-ICT
• Individwi
Baġit u qafas ta’ żmien
TEL-ME-MOR għandu baġit ta’ madwar 1.4 miljun Ewro u se jdum għaddej sentejn.
Programm ta’ xogħol
Il-pjan ta’ xogħol ta’ TEL-ME-MOR jidher
hawn.
Sħab fil-Proġett
Il-konsorzju ta’ TEL-ME-MOR jinkludi dawn is-16-il imsieħeb:
• Il-Librerija Nazzjonali tal-Ġermanja – Koordinatur
• Il-Librerija Nazzjonali ta’ l-Olanda
• Il-Librerija Nazzjonali ta’ l-Ingilterra
• Il-Librerija Nazzjonali ta’ l-Isvizzera
• Konferenza tal-Libreriji Nazzjonali ta’ l-Ewropa [CENL]
• Eremo srl, Italja
• Il-Librerija Nazzjonali tar-Repubblika Ċeka
• Il-Librerija ta’ Ċipru
• Il-Librerija Nazzjonali ta’ l-Estonja
• Il-Librerija Nazzjonali ta’ l-Ungerija
• Il-Librerija Nazzjonali tal-Latvja
• Il-Librerija Nazzjonali tal-Litwanja
• Bibljoteka Nazzjonali ta Malta
• Il-Librerija Nazzjonali tal-Polonja
• Il-Librerija Nazzjonali tas-Slovakkja
• Il-Librerija Nazzjonali u Universitarja tas-Slovenja
Pjan ta’ Xogħol
L-attivitajiet tal-Proġett TEL-ME-MOR huma organizzati f’ħames pakketti ta’ xogħol (WPs).
Tlieta minnhom huma mmexxija minn organizzazzjonijiet mill-Istati Membri Ġodda. Deskrizzjoni
qasira ta’ dawn il-pakketti ta’ xogħol tinsab hawn taħt.
WP1 Analiżi ta’ ħtiġijiet għar-riċerka
L-objettiv hu li jkunu nvestigati l-ħtiġijiet għar-riċerka tal-bibljoteki nazzjonali fl-
Istati Membri Ġodda u tal-klijenti tagħhom mis-setturi tar-riċerka u l-applikazzjoni
teknoloġika, b’iffukar fuq riċerka u servizzi ġodda f’oqsma li huma relevanti għall-
Information Society Technologies (IST) Programme.
Ir-riżultat ikun għodda ta’ orjentazzjoni valida għal dawk li jittamaw li jkunu atturi
fl-IST fl-Istati Membri Ġodda, hekk kif iwieġbu għal sejħiet futuri u jaħdmu bi sħiħ
biex jiżviluppaw servizzi ġodda għall-komunitajiet ta’ riċerka bbażati fuq l-ICT
(Information & Communication Technologies).
Immexxi mil-Librerija Nazzjonali tar-Repubblika Ċeka.
WP2 Żviluppar tax-xibka għal aċċess għar-riżorsi nazzjonali
L-objettiv hu li l-libreriji nazzjonali mill-Istati Membri Ġodda jiġu mgħejjuna jintroduċu
informazzjoni effettiva u għodod ta’ teknoloġija għal komunikazzjoni u servizzi ta’ appoġġ
fuq ix-xibka bħala bażi għat-turija tal-karatteristiċi ta’ l-ambjent tal-Librerija Ewropea
li bihom ir-riċerkaturi jistgħu jiksbu l-informazzjoni meħtieġa minn kullimkien u f’kull
ħin. Aktar minn hekk din twassal ukoll biex jiżdied il-profil ta’ din ix-xibka ta’ tagħrif
fl-Istati Membri Ġodda.
Immexxi mil-Librerija Nazzjonali ta’ l-Olanda.
WP3 Żviluppar tal-kapaċità multilingwali tax-xibka
L-objettiv hu t-tqegħid tas-sisien għall-iżvilupp tal-kapaċitajiet multilingwali biex b’hekk l-informazzjoni
u t-tagħrif disponibbli mil-libreriji nazzjonali fl-Istati Membri ġodda, isiru aktar aċċessibbli għall-klijenti
prinċipali tagħhom, jiġifieri r-riċerkaturi u ħaddiema fl-oqsma edukattivi u kulturali, permezz ta’ interfaces
u mekkaniżmi ta’ tiftix b’kull ilsien nazzjonali.
Immexxi mil-Librerija Nazzjonali u Universitarja tas-Slovenja b’koperazzjoni mal-Librerija Nazzjonali ta’ l-Isvizzera.
WP4 Żviluppar ta’ l-għarfien u spazju għall-informazzjoni elettronika għal ħidmiet ta’ riċerka bi sħab
L-objettiv hu li jkun żviluppat għarfien ta’ atturi prinċipali fis-soċjetà ta’ l-għarfien fl-Istati Membri Ġodda,
ta’ opportunitajiet għal involviment f’ħidmiet ta’ riċerka bi sħab u l-kontribuzzjoni potenzjali tagħhom fit-tfassil ta’ l-aġendi
ta’ riċerka. Metodi użati jkunu jinkludu websites bl-ilsna ta’ l-Istati Membri l-ġodda kollha illinkjati, konferenzi reġjonali,
newsletters u l-organizzazzjoni ta’ konferenza Ewropea, li twessa’ l-impatt lejn membri oħra tas-CENLA fl-Unjoni Ewropea, fil-
Commonwealth of Independent Nations u fil-pajjiżi tal-Balkani.
Immexxi mil-Librerija Nazzjonali ta’ l-Estonja.
WP5 Tmexxija
Dan il-Pjan ta’ Xogħol jittratta l-maniġment, il-koordinazzjoni u l-attivitajiet ta’ evalwazzjoni tal-proġett.
Immexxi mil-Librerija Nazzjonali tal-Ġermanja.
Opportunitajiet fl-UE
L-objettiv ta’ din is-sezzjoni hu li tipprovdi l-aħħar informazzjoni dwar
l-opportunitajiet għal organizzazzjonijiet mill-Istati Membri Ġodda biex
jipparteċipaw fi proġetti ta’ l-Unjoni Ewropea fi ħdan is-setturi tat-Tagħlim
u l-Kultura ta’ l-Information Society Technologies (IST) Programme. Din
is-sezzjoni tinforma dwar sejħiet għal proposti kurrenti u futuri,
avvenimenti u attivitajiet relatati oħra imwettqa mill-Unit dwar it-
Tagħlim u l-Wirt Kulturali tal-Kummissjoni Ewropea, tipprovdi links
relevanti u ħjiel siewi għall-preparazzjoni ta’ proposti ta’ proġetti.
Jekk għandek xi mistoqsijiet dwar sejħiet, proċeduri għas-sottomissjoni
ta’ proposti, avvenimenti, eċċ., jekk jogħġbok ikkuntattjana
fuq: info@telmemor.net.
Riċerka mill-UE
Information Society Technologies u riċerka Ewropea
L-Information Society Technologies (IST) jirrelataw ma’ l-applikazzjoni tat-teknoloġiji tat-
telekomunikazzjoni mad-dinja ta’ l-informatika li dejjem tikber. L-iżvilupp ta’ prodotti
u servizzi ta’ l-IST huma fl-aħħarnett intenzjonati biex joħolqu Soċjetà ta’ Informazzjoni
li tintuża b’faċilità, għall-benefiċċju tan-negozji kollha u ċ-ċittadini individwali madwar
id-dinja.
L-Information Society Technologies (IST) illum huma prijorità prinċipali fl-attivitajiet
ta’ riċerka tal-Kummissjoni Ewropea. Dawn huma organizzati madwar programmi konsekuttivi
li jtulu erba’ snin, imsejħa Programmi ta’ Struttura għall-Iżvilupp tar-Riċerka u t-
Teknoloġija (Framework Programmes for Research and Technological Development (RTD)),
li jikkumplimentaw il-programmi ta’ riċerka nazzjonali u reġjonali, u huma mmirati
biex iżidu l-kompetittività Ewropea u l-kwalità tal-ħajja. Is-Sitt Programm ta’ Struttura
(FP6) kurrenti, ipoġġi 7 prijoritajiet imsejħa ‘Oqsma ta’ Prijorità Tematika’ relevanti
għall-perjodu 2002-2006.
Il-Prijorità ta’ l-IST
hi Priority 2.
IST: l-akbar prijorità fil-programm kurrenti ta’ riċerka ta’ l-UE
Fl-FP6, 3600 miljun Ewro ta’ finanzjament ġew mogħtija bi prijorità għar-riċerka fl-IST, biex
għamluha is-sors ewlieni ta’ finanzjament mill-Unjoni Ewropea għall-proġetti ta’ riċerka
fl-IST. Il-Prijorità ta’ l-IST timmira biex:
• iżżid l-innovazzjoni u l-kompetittività fin-negozji u l-industrija Ewropea, u b’hekk
tikkontribwixxi għal benefiċċji akbar għaċ-ċittadini Ewropew kollha,
• tistimula l-integrazzjoni u l-istrutturar tar-riċerka Ewropea, u b’hekk tassigura
ż-żjieda fit-tkattir ta’ l-avviċinament ma’ l-Ewropa kollha għal riċerka f’oqsma
ewlenin ta’ l-IST u tgħin biex tinħoloq
Medda komuni ta’ Riċerka Ewropea fl-IST
• tassigura t-tmexxija Ewropea fit-teknoloġiji ġeneriċi u applikati fil-qalba ta’
l-ekonomija tal-għarfien.
Programm ta’ Xogħol ta’ l-IST 2005-2006
Il-Programm ta’ Xogħol ta’ l-IST għall-perjodu 2005-2006 (WP 2005-06) jiddefinixxi fid-dettall
l-objettivi u l-prijoritajiet tal-meddiet ta’ prijorità tematika ta’ l-IST. Id-dokument ipoġġi wkoll
l-objettivi u l-kontenut tekniku tas-sejħiet għall-proposti, il-pjan ta’ implimentazzjoni u l-kriterja
li se tintuża biex ikunu evalwati l-proposti li jwieġbu għal dawn is-sejħiet.
Il-programm jista’ jitniżżel minn
hawn.
Sejħiet għall-Proposti
Sejħa 5 fetħet nhar it-18 ta’ Mejju 2005 u tagħlaq fil-21 ta’ Settembru 2005.
Is-sejħa tindirizza fost l-oħrajn, l-Objettiv Strateġiku ‘Aċċess
għal u preservazzjoni tar-riżorsi kulturali u xjentifiċi’ (2.5.10).
Aqra aktar fuq din is-Sejħa.
Introduzzjoni u tagħrif dwar l-oriġini
L-ewwel sejħa għal proposti milll-FP6 indirizzat l-Objettiv Strateġiku ‘Tagħlim a
rrikkit bit-Teknoloġija’ u aċċess għall-wirt kulturali’. Is-sejħa fetħet
fis-17 ta’ Diċembru 2002 u għalqet fl-24 ta’ April 2004.
Dettalji dwar proġetti ffinanzjati b’riżultat ta’ din is-sejħa fi ħdan is-settur
tal-‘Wirt Kulturali’, jistgħu jinstabu
f’din il-link.
Lista ta’ proġetti ffinanzjati fi ħdan il-qasam tat-Tagħlim tista’ tinkiseb minn
hawn.
Fokus fuq ‘l-Ewropa Mkabbra’
Il-parteċipazzjoni ta’ organizzazzjonijiet mill-Istati Membri li ngħaqdu ma’ l-Unjoni
f’Mejju 2004 kibret bejn l-ewwel sejħiet ta’ l-IST. Bħala riżultat, il-Programm ta’
Xogħol 2005-06 jinkludi miżuri speċifiċi biex jissaħħu aktar
il-ħidma bi sħab u l-kollaborazzjoni fir-riċerka ICT bejn il-Membri ‘antiki’ u
l-Istati Membri Ġodda. L-Objettiv Strateġiku 2.4.13, ‘It-tisħiħ ta’
l-integrazzjoni ta’ l-isforz ta’ riċerka ICT f’Ewropa mkabbra’, hu mmirat biex
‘jiġu żviluppati u kkonfermati sistemi u servizzi innovattivi u effiċjenti
bbażati fuq l-ICT, f’oqsma ta’ applikazzjonijiet prinċipali għal żvilupp
soċjali u ekonomiku ta’ l-Ewropa mkabbra biex tissaħħaħ l-integrazzjoni
tal-‘Medda ta’ Riċerka Ewropea’ ta’ l-IST.
Informazzjoni dettaljata dwar l-objettivi strateġiċi ta’ l-FP6 jistgħu
jinstabu fil-Programm ta’ Xogħol, li jitniżżel mil-link:
http://www.cordis.lu/ist/workprogramme/fp6_workprogramme.htm.
SEJĦA 5
SEJĦA 5 fetħet fit-18 ta’ Mejju 2005 u tagħlaq fil-21 ta’ Settembru 2005.
Is-sejħa tkopri l-oqsma tal-Wirt Kulturali u Interfaces Multimodali
inklużi Komunikazzjonijiet Multilingwali.
Ix-xogħol fil-qasam Kulturali jindirizza l-Objettiv Strateġiku 2.5.10,
imsejjaħ 'Aċċess għal u preservazzjoni ta’ riżorsi
kulturali u xjentifiċi’, u jiffoka fuq żewġ objettivi ewlenin:
1. Aċċess
Biex tappoġġja il-komplessità li qed titfaċċa ta’ oġġetti u mħażen
kulturali u xjentifiċi diġitali, permezz ta’ rappreżentazzjonijiet
konċettwali arrikkiti u metodi ta’ aċċess avvanzati.
Ix-xogħol għandu jiffoka fuq l-applikazzjoni ta’ l-aħħar teknoloġiji
prinċipali (teknoloġiji ta’ l-għarfien, viżwalizzazzjoni, realtà
virtwali) biex jiġu ttestjati f’xenarji reali imma innovattivi:
• Metodi awtomatizzati għal qbid, indiċjar u rappreżentazzjoni
semantika – oġġetti mhux testwali u kkrossjati fil-medja.
• Rappreżentazzjoni ta’ l-għarfien u teknoloġiji ta’ aċċess għal
oġġetti ta’ wirt kulturali komplessi, bla struttura u dinamiċi
• Dominji ontoloġiċi
• Kontenut miktub b’kollaborazzjoni – komunitajiet online
• Mudelli ta’ applikazzjoni għal aċċess ta’ informazzjoni kulturali minn kullimkien.
Riċerka f’dan il-qasam għandha twassal għal użu aktar parteċipattiv
u kreattiv tal-Wirt Kulturali miċ-ċittadini u l-istituzzjonijiet kulturali,
f’kull livell, permezz ta’ komunitajiet online kreattivi.
Għodod (tipi ta’ proġetti) u partnerships: STREPs se jkun il-
mekkaniżmu ewlieni għar-riċerka fit-tul dwar l-aċċess u l-użu tal-
kontenut kulturali. Partnerships se jinvolvu il-komunità riċerkattriċi
tal-Wirt Kulturali, ir-riċerka teknoloġika u żviluppaturi, inklużi high-
tech SMEs u istituzzjonijiet kulturali.
Biex issir taf aktar dwar it-tip ta’ għodod
agħfas hawn.
2. Preservazzjoni Diġitali
Biex tesplora kif tippriserva d-disponibbiltà tar-riżorsi diġitali
matul iż-żmien, permezz ta’ kunċetti, teknika u għodod ġodda.
Riċerka f’dan il-qasam għandha tinvestiga metodi u sistemi biex
tiggarantixxi l-preservazzjoni ta’ oġġetti diġitali għal żmien twil.
Ix-xogħol hu miftuħ kemm għal esperimenti ta’ żmien qasir u kemm
għal riċerka fit-tul. Ir-riċerka hi meħtieġa biex jiġu żviluppati
sodod ta’ l-ittestjar u sistemi li jappoġġjaw id-disponibbiltà u
l-aċċessibiltà tar-riżorsi b’għadd ta’ għejjun u b’għadd ta’ formati.
Riċerka fit-tul hi neċessarja biex tindirizza l-preservazzjoni ta’
oġġetti diġitali komplessi, dinamiċi u ta’ volum għoli, inklużi dawk
b’livelli għola ta’ interattività.
Għodod: IPs huma l-għodod preferuti għas-sodod ta’ l-ittestjar ta’
riżorsi b’għadd ta’ għejjun. L-istrutturar u l-bini ta’ l-interessi
fir-riċerka dwar il-preservazzjoni diġitali inkluż fehim aħjar ta’
kwistjonijiet dwar it-tul tal-ħajja diġitali fuq perjodi ta’ żmien
estiżi, x’aktarx tkun indirizzata l-aħjar permezz tas-CAs.
Biex issir taf aktar dwar it-tipi ta’ għodod
agħfas hawn.
Biex issir taf aktar dwar is-SEJĦA
Dokumentazzjoni dwar Sejħa 5 (inkluż test tas-sejħa)
Sommarju tal-miri tar-riċerka fid-dominju tal-wirt kulturali b’link
għal mal-programm sħiħ ta’ xogħol.
|
